FAQ diwar-benn ar mor

	Boued	Merdeiñ
	Kehentiñ	Pesketa
	Kegin	Louzeier
	Toutouig	Titich - Kakac'h
	Tredan	Pouez
	Skeudennoù	Roeñvat
	Ar stlenneg	Surentez
	Oablouriezh	Dilhad

 

 

 

Pouez

Bag :	400 kg
Roeñverr :	100 kg
Bateri :	90 kg
Boued :	350 kg
A bep seurt :	150 kg
Dour :	50 kg
HOLLAD :	1 140 kg

 

Aveadurioù surentez

- Harnez
- Balizenn argoll
- Radell-saveteiñ
- Sae-saveteiñ
- Gouleier argoll

Oablouriezh

War dachenn an avelioù yud etre an 40 ° hag an 50 ° ledred e tremen an dreizhadenn.

Porzh loc'hañ : Wellington 42° ledred su / 175° hedred reter

Kab Horn : 56° ledred su / 67° hedred kornôg

Daoust dezhi c'hoarvezet e-pad an hañv kreisteizel, e vo e-tro 5° C gwrezverk an aer hag an dour e-kerzh an darn vrasañ eus an dreizhadenn.

An avelioù etre a vo o nerzh etre 5 ha 7.

Un dreizhadenn nerzhusik gant houl ha gwagennoù bet stummet gant an avelioù.

Er c'hornadoù-se e vez graet tro an Douar gant an houl hag an avel hep kaout skoilh ebet dirazo war-bouez Douar ha Tan.

Analañ hir a reer.

Skozellet e vo Jo ar Gwenn gant Pierre Lasnier hag e skipailh eus ar gevredigezh Météomer, staliet e Puget-sur-Argens (83).

Ur c'hevredad prevez eo Météomer (http://www.meteomer.fr) a bourchas rakweladoù amzer resis-tre da c'hreantourien o labourat er bed a-bezh.

Gant plijadur ha youl eo bet hentet ar voraerien vrasañ gant Pierre hag e skipailh pa oant oc'h ober transatoù pe troioù ar bed.

Pa gomzas Jo gant Pierre evit ar wezh kentañ a-zivout an dreizhadenn en doa graet a-dreuz ar meurvor Habask, e lavaras Pierre dezhañ : "Heuliet e vo naoz ar stêr."

Su ar meurvor Habask zo 9000 km hirder, 3000 km ledander ha 4 km donder, a c'heller ober ur stêr anezhañ. Heuliet e vo naoz ar stêr gant Pierre, keep it blue ha Jo eta.

Roeñverezh


E-pad 8 eurvezh bemdez e vez Jo o roeñvat, 4 eurvezh diouzh ar mintin, 4 eurvezh diouzh an enderv.

06.00 dihuniñ
07.00 - 08.00 roeñvat
08.00 - 08.10 ehan
08.00 - 09.10 roeñvat
09.10 - 09.40 ehan
09.40 - 10.40 roeñvat
10.40 - 10.50 ehan
10.50 - 11.50 roeñvat

11.50-14.00 merenn

14.00 - 15.00 roeñvat
15.00 - 15.10 ehan
15.10 - 16.10 roeñvat
16.10 - 16.40 ehan
16.40 - 17.40 roeñvat
17.40 - 17.50 ehan
17.50 - 18.50 roeñvat

3 m hirder eo ar roeñvoù.

Eus penn a-raok betek penn a-dreñv ar vag e tiblas Jo war un azezenn staget war div votez-roller, hag azezet eo war un dorchenn gant gel 2.5 cm tevder.

Kas a ra Jo gantañ tri rumm roeñvoù, 6 toled, 2 azezenn, 8 rod ouzhpenn.

Dilhad

Evit bageal pa vez fresk (5° C), ez eo gwelloc'h bezañ gwisket-mat. Kas a ra Jo gantañ :

2 borbant-eouliet
2 vragoù-eouliet
2 gKway
2 chupenn bolel
2 dilhad sport
6 tee-shirt
2 vragoù berr
2 re heuzoù
2 re votoù
2 verrloer
2 gasketenn
2 gougoul
2 re vanegoù

Toutouig

Ret eo kousket, ken pouezus eo ha debriñ, evañ, roeñvat, en em walc'hiñ, ober war e dro e-unan, en em wiskañ.

Ma ne gousker ket, ne roeñvor ket an deiz war-lerc'h.

Ma ne gousker ket ha ma roeñver an deiz war-lerc'h memes tra, e kouezher.

Ret eo bezañ reizh e vuhez pa vezer o roeñvat 8 eurvezh bemdez.
En e "gouskedenn-laouer" , 60 cm ledander dezhi, enasket e-kreiz ar vag, e kousk Jo. Mirout a ra dezhañ a vezañ taolet-distaolet war speurennoù e gambr gant gwagennoù hag houl ar meurvor Habask.

Gant ar yenijenn c'hleb ez eo gwelloc'h kousket en noazh en e sac'h-kousket. Ar pezh zo diaes, ez eo mont ennañ ; mont er-maez zo ken diaes all.
2 sac'h-kousket a zegas Jo gantañ.

Kaset-degaset e vez ar vag pa gousk Jo ; ha hi kaset, luskellet, troc'holiet (trawalc'h !!!) gant an avel hag ar mor.

Kegin

Ur c'hoant a bodig-berver, benveg keginañ nemetañ, evit tommañ an dour.

Dour, evit fardañ ar soubenn, ar c'hafe, an te, hag ar meuzioù yegrinet. C

Ar gegin un tommerig a ya d'hec'h ober, hag eñ biñset war ur voutailhad c'haz a ro tu da dommañ dour e-pad war-dro 35 devezh.

Stock a-raok loc'hañ : 5 boutailhad.

Boued

Pa vez graet un dreizhadenn a seurt-se gant ur wrez a seurt-se, e vez rakwelet ezhommoù an den 5 pe 6000 kaloriad bemdez.

Pa vez graet seurt treizhadennoù, e vez kollet e c'hoant-debriñ naturel gant an den. Beveziñ 6000 kaloriad bemdez zo diaes d'ober e-pad pell.

Bemdez : 5 pred pennañ, 4 fred ouzhpenn, 1 litrad soubenn, 1 litrad te, 125 g toaz alamandez, 200 g datez.

06.00 dihuniñ - muesli / riz dre laezh
07.00 - 08.00 roeñvat
08.00 - 08.10 ehan - 2 varrenn edaj / laezh sukret dizoureet / pruneoz
08.00 - 09.10 roeñvat
09.10 - 09.40 ehan - ton naturel / 1 meuz yegrinet / 1 podad yod-avaloù
09.40 - 10.40 roeñvat
10.40 - 10.50 ehan - 2 varrenn edaj / amann kakaouetez / pruneoz
10.50 - 11.50 roeñvat

11.50-14.00 merenn 1 saladenn (legumaj, pesked), 1 meuz yegrinet /
1 sac'had yod-avaloù

14.00 - 15.00 roeñvat
15.00 - 15.10 ehan - 2 varrenn edaj / laezh sukret dizoureet / olivez du
15.10 - 16.10 roeñvat
16.10 - 16.40 ehan - 1 sardinenn / 1 sac'had yod-avaloù / 1 meuz yegrinet
16.40 - 17.40 roeñvat
17.40 - 17.50 ehan - 2 varrenn edaj / amann kakaouetez / olivez du
17.50 - 18.50 roeñvat

Koan 1 saladenn (legumaj / pesked), 1 meuz yegrinet / 1 sac'had riz dre laezh

disec'hañ un danvez bevel dre wered ar gouryenaat (-80°C) eo yegrinañ.

Ar pezh a chom eus ar boued zo heñvel ouzh ur poultr gwenn a vez pakataet e seier didreuzus.

Tennañ a ra d'ar soubenn e sac'had.

Trawalc'h eo tommañ dour, e veskañ gant ar poultr, lezel da werediñ e-pad 3 pe 4 munutenn hag ur meuz eo hag a zegasfe reuz ma vefe servijet en ur preti ; war un vag dre roeñv avat e teu da vezañ ur meuz lipous na vefe ket laosket takenn ebet anezhañ.

5 sac'had boued yegrinet a vez debret gant Jo bemdez :

- 1 sac'had muesli,
- 2 sac'had riz dre laezh,
- 2 veuz (4 meuz da zibab : moru sec'h mod Provañs, kouskous, flastrenn gant bevin, toazennoù gant bevin).
Da lavaret eo 700 sac'had boued yegrinet evit 140 devezh mor rakwelet.

Bemdez :

- 2 glokaenn da evañ ( brikennad 20cl)
- 8 barrenn edaj
- 1 gorzennad laezh sukret dizoureet
- 1 sac'had pruneoz (askorn hag all)
- 1 sac'had olivez du (askorn hag all)
- 150 g toaz alamandez
- 250 g datez
- amann kakaouetez ( gant al loa-bod)
- boued mir
- 1 voestad ton naturel
- 2 voestad saladenn (pesked / legumaj)
- 1 voestad sardin pe vrizhilli pe zluzhed mogedet

Evit tennañ an holen eus ar 4 pe 5 litrad dour ret evit bastañ d'e ezhommoù e vez implijet un disallerez dour tredan gant Jo.
Pourchaset e vez gant an ardivink-se 3 litrad dour disall an eur diwar ur mor 5°.
Un eil disallerez ha dour en armezh , war-dro 50 litrad, a gas Jo gantañ.

Pesketa

Pa vezer o roeñvat, n'eus ket amzer da besketa : pillig ebet, pesk ebet Ar pesked a vez sellet outo.

Bezañ e darempred

- Pellgomziñ
- Degemer keleier diwar-benn an amzer
- Kas al levr-bourzh
- Kas luc'hskeudennoù

Evit ober se ez eus daou seurt ardivink :

- ur pellgomzer iridiom a ro tu da dreuzkas ar vouezh.
Mont a ra en-dro ar seurt ardivink nevez-se er bed a-bezh war ar frekañs 1600 MHz a-drugarez d'ur rouedad 66 loarell izel o c'heltro (780 km).

- Ur standard C : luc'hskeudennoù izelzespizadur, skeudennoù digemm ar webcam.
Treuzkas a ra an ardivink-se 1600 MHg war-du loarelloù o treiñ 30000 km ac'halenn.

Kavet e vez e bourzh keep it blue ivez :

- ur valizenn argos o treuzkas bemdez lec'hiadur ar vag.
- 401,650 MHg eo ar frekañs. Treiñ a ra al loarelloù argos e-tro 850 km uhelder ha pennahelel int.
- Aveet eo ar valizenn-se gant ur c'hemenn argoll hag a c'hell bezañ lakaet da vont en-dro gant ar roeñver.

- ur valizenn argoll zo distegnet ma c'hoarvez kudennoù gredus.
Skingas a ra ar valizenn war ar frekañs 406 war-zu ul loarell lec'hiet e...
Baterioù dezho o-unan o deus an div valizenn ziwezhañ-se, tra ma 'z eo pourvezet ar pellgomzer iridiom hag ar standard C gant bateri ar bourzh.

- Ur radio VHF hag a ro tu d'al listri da vont e darempred an eil re gant ar re all war-hed un dek kilometrad bennak. Ne daol ket pell ar VHF diouzh ur vag-dre-roeñv o vezañ m'emañ-hi izel-tre war ar mor.
Skingas ha degemer a ra ar VHF e-tro 100 MHg.

Tredan

Mont a ra an ardivinkoù tredan e bourzh keep it blue :

* gant baterioù ar bourzh
disallerez-dour
standard C
gouleier ar gambr
gouleier hent
post-skingomzer
radio VHF

*gant o baterioù dezho o-unan, zo adkarget diwar podoù-tredan ar bourzh,
pellgomzer iridiom
urzhiataer
kamera niverel
luc'hskeudennerez niverel

Aveet eo keep it blue gant daou vateri 12 volt / 135 amper
Pourvezet eo ar baterioù-se gant 6 panell heol 10 Watt ha gant ur rod-avel a brodu 300 Watt gant avel 6 pe 7.

Ar rodoù-avel a ya en-dro noz-deiz pa vez avel ; un dra na c'hwit morse e Su ar meurvor Habask.

Skeudennoù

War roll an dreizhadenn emañ al luc'hskeudennoù hag ar videoioù.

Treuzkaset e vez al luc'hskeudennoù eus ul luc'hskeudennerez niverel war gantenn galet an urzhiataer, gwasket ha saveteet war ur garitell zip. Homañ ziwezhañ, hi ivez, a vo saveteet war ur garitell zip all.

Tu a vo da dreuzkas luc'hskeudennoù izelzespizadur dre ar pellgomz.

Filmet eo bet ar skeudennoù war-bouez ur c'hamera niverel 16/9 e furmad, ha boniet int war kasedigoù niverel a bad 1 eurvezh. N'eus ket tu da saveteiñ.
Displegadennoù, fromoù, birvidigezh, o barradoù fallgaloniñ, ral a blegoù ne c'hello ket achap ket d'ar c'hamera a zeu da vezañ kengomzer pennañ ar paourkaezh roeñver.

Gant ur c'hamera webcam e vo aveet an urzhiataer da skignañ luc'hskeudennoù digemm war al lec'hienn Web war-bouez ar standard C.

A-raok kaout ur pennad-kaoz dre bellgomz, e c'hello Jo tennañ ul luc'hskeudenn anezhañ e-unan gant ar webcam, treuzkas luc'hskeudenn e zremm war-bouez ar standard C ha dres goude pellgomz war-bouez an iridiom.

War-eeun e vez treuzkaset ar son, derenet ur pennadig e vez ar skeudenn.

Ar stlenneg

Kehentiñ gant posteloù, divoniañ al luc'hskeudennoù, al levr-bourzh, e-giz an titouroù liammet gant ar merdeiñ, a vo tu d'ober a-drugarez d'un urzhiataer-hezoug hag un eil urzhiataer.

An urzhiataer a ro tu da Jo da zivizout ivez gant un ardivink "krenn" a-walc'h tra m' emañ o vevañ er ur bed divent : an dremmwel, bolz an neñv, an egor, an amzer...

Merdeadurezh

Jedet e vez lec'hiadur ar vag peder gwezh bemdez :

- diouzh ar mintin a-raok kregiñ da roeñvat
- goude bezañ roeñvet e-pad peder eurvezh diouzh ar mintin
- a-raok adkregiñ da roeñvat en enderv
- goude bezañ roeñvet e-pad peder eurvezh en enderv

Na zisoñjomp ket, e-pad an c'hwezek eurvezh ma n'emañ ket Jo o roeñvat e vez kaset-degaset ar vag amañ-hag-ahont gant an avel hag ar mor.

Pouezus-tre eo gouzout penaos ez a ar vag gant an avel ha red ar mor eta.

Jedet e vez lec'hiadurioù ar vag gant ur GPS, un ardivink bihan 200 g a zegemer arhentoù meur a loarell. Jediñ a ra ul lec'hiadur resis war-bouez ur c'hant metr bennak, ur resisadur mat-tre eo pa vezer er mor don.

Galoupet e vez gant ar vag 50 miltir bemdez, bep miltir a ya 1852 metrad d'e ober.

Perak 1852 metrad ?

Ur sferenn a heuilh he zro un hedredenn 40009 kilometrad eo an douar.

40 009 / 360 = 111.136 kilometrad = hirded un derez.
111.136 / 60 = 1.82526 = hirded ur vunutenn.

1852 metrad eo an hirder dave, dre emglev.

Apotikerezh

Aliet e vez Jo, evit a sell ouzh ar c'hudennoù yec'hed, gant Emmanuelle ar C'horr, arbennigourez war an addiorren arc'hwelel. Skoazellet he doa anezhañ da brientiñ e daou dreizhadenn gent.

Kudennoù kroc'hen a c'hell bezañ, da gentañ, a-hed un dreizhadenn.

Mat e ya gant an daouarn.

Klogorennañ a ra buan ho taouarn da gentañ. Tarzhañ a ra ho klogor, ha klogor all zo da c'houde.

Goude kaout klogor ha klogor, ez eo tro ar c'haledennoù, ha diwar ar mare-se, n'eus ket mui d'en em chalañ.

Evit a sell ouzh ar feskennoù, un dra all.

En e goazez e vez roeñvet.

Ar c'hweziñ, ar glec'hiañ, an diouer a aer evit aveliñ, an diouer a zour evit en em walc'hiñ alies, a ra eus al lodenn-se eus ar c'horf ul lodenn wiridik-kenañ.

An daouarn a bak e-pad pemzektez, ar feskennoù a ya gwashoc'h-gwashañ.

Titich - kakac'h

E-pad ar prezegennoù n'eus nemet ar vugale a gred sevel goulennoù : "Aotrou, penaos 'rez evit ober titich ?"

Diroll a ra, peurlisañ, holl e vignoned hag e vignonezed da c'hoarzhin ha Jo a zle displegañ dezho :
"Pa vezan er vag, e ran titich en ur skob, seurt sailh vihan e plastik a vez goullonderet er c'hokpit a vez un toull-skarzh ennañ war-du ar mor.
Pa vezan er-maez, e ran titich er skob ivez dre vras, rak er seurt bag-se ez eo risklus stouiñ diouzh un tu pe egile ; distabelaet e c'hell bezañ ar vag. E-unan emañ an den e-bourzh a vag, arabat kemer riskloù pa n'eo ket ret eta.

Kakac'h : un diskoulm nemetken. En ur sailh er c'hokpit. N'eus ket tu d'ober er vag.
Pa vez fall-put an amzer ha pa vez mat a-walc'h an den en e gambr, ez eo ret en em wiskañ ha mont er-maez. Ne vez ket aes bepred.

Mod-se emañ an traoù.